Isaiah 12
Izingoma Zokubonga
1Ngalolosuku wena uzakuthi: “Ngizakubonga O Jehova. Lanxa wawungithukuthelele ulaka lwakho seluphelile, njalo usungiduduzile. 2Ngeqiniso uNkulunkulu uyinsindiso yami; ngizathemba ngingesabi. UJehova, uJehova, ungamandla ami lengoma yami; usebe yinsindiso yami.” 3Ngentokozo uzakukha amanzi emithonjeni yensindiso. 4Ngalolosuku uzakuthi: “Mbongeni uJehova, bizani ibizo lakhe, zaziseni izizwe ngalokhu akwenzileyo, limemezele ukuthi ibizo lakhe liphakeme. 5Hlabelelani kuJehova, ngoba wenze izinto ezinhle kakhulu; lokhu kwenzeni kwazakale emhlabeni wonke. 6Memezani kakhulu lihlabele ngokuthokoza, bantu baseZiyoni, ngoba mkhulu oNgcwele ka-Israyeli phakathi kwenu.”
Copyright information for
NdeIBE